LabuanNet Labuan Malaysia

Full Version: Memartabatkan bahasa kadayan brunei (dialek labuan)
You're currently viewing a stripped down version of our content. View the full version with proper formatting.
Bahasa kita di labuan ni secara majoritinya terbahagi kpd dua iaitu bahasa kadayan dan brunei... ikut kampung lah.. mun di kampung sg lada, sg labu, sg pagaa dll..bahasa kadayan labih mendominasi.. di bebuloh, kg aing dll.. bahasa brunai yg lebih popular... tapi bahasa atau lebih tepat lagi mun d sabut dialek/loghat kita ani inda barapa di kanali uleh urang2 luar... Mangkali pasal nda banyak jelama yg makai.. amai jua yang betanya, bahasa uwang labuan ani camana bunyinya? hampii kan semuha inda masaii tadangaa bahasa labuan ani kecuali uwang balah2 Buunai,limbang dan kawasan2 yg berhampiran... amai jua uwang malaya yang salah anggap.. pikii besia, tutuan uwang labuan ani sama mcm tutuan uwang sabah/loghat melayu sabah).. padahal jauh hali baik daii segi istilah ataupun intonasi.. mun di bandingkan bahasa kadayan jaan bahasa buunai, buunai lagi sanang dipahami.. kadayan ni payah dikit pasal huruf R inda di bunyikan kecuali bagi sesetengah perkataan contohnya RAYA dan KARI... mun kan belajaa bahasa kadayan pelajaii dahulu bahasa brunei...
masalahnya karang ani.. ramai pemudaan kita di lbuan tu yang bahasanya sudah "lari".... terutama uwang2 kadayan... mun bukan kita generasi muda ani yang nyambung siapa tah lg yang kan d harapkan? walau d mana pun kita berada.. bahasa diri jaan jua d lupakan.. sipun jua kita d london kah d amerika kah... tapi amai jua yg tinggal batah d luaa nagara.. tutuannya kakal jua nda baubah.. segunung pujian untuk mereka... BAHASA JIWA BANGSA...
Sebagai orang Brunei, turut berbangga kerana bahasa Melayu Brunei menjadi bahasa tuturan orang-orang Labuan. Ini menunjukkan rumpun bangsa kita adalah sama dan bersaudara sedarah sedaging. Yang hanya membezakan kita adalah istillah kerakyatan Malaysia dan Brunei. Persamaan bahasa pertuturan antara dua negara ini merupakan satu kelebihan yang amat baik untuk kedua-dua belah pihak dimana perasaan UKHUAH ISLAMIAH amat dapat dirasakan....apa nya orang Labuan "INDA JUA KU MATI DI BRUNEI ATU" dan sama jua nya orang Brunei "AWU INDA JUA KU MATI DI LABUAN ATU" yang mana menunjukan pembelaan akan tetap diberi walau dimana jua kedua dua warga berada. Perundingan dan keputusan juga selalunya amat senang dicapai kerana persamaan bahasa ini yang bererti..."BUKAN JUA ORANG LAIN TU DANGSANAK JUA" jadi apa-apa perkara pun sering bertolak ansur. Pengaruh bahasa Brunei di Brunei dan Labuan juga amat kuat dimana segelintir perantau-perantau dari semenanjung pun turut bertutur dalam bahasa Brunei apabila telah bermestautin disini. Perasaan menjadi anak dagang juga tidak pernah ada apabila kedua-dua warga kita saling berkunjung antara kita. BAHASA MENUNJUKKAN BANGSA.
awu..baik nasib tah ada kawan ku yang betatuan baunai..sipun jua aku ni kadayan..mun aku sawang nganya di morocco ani..ada ya..
payah ku kan join ni... aku dari dulu bepindah randah, tu yang kadang2 tecampur bahasa.

Bukan lupa daratan, tapi aku di labuan baru 2 tahun, walaupun aku lahir di labuan. Camana tu?
nda apa tu..ada bunyi bunyi nya pun ok sudah..hehe :mrgreen:
aa...morroco mun dkedayankan..jadi mooko ta kali aa.. haha, sandi tu.
nda jua jadi kesalahan mun tecampur bahasa tu sr215... pelahan2 bah.. bahasa kita ani sanang nganya d pelajai... cigu2 ku(uwang malaya) time d skulah dahulu pun pandai tah ya jua bekadayan buunai... tapi slang nya lain dikit lah.. yang nda baiknya, ada sesatangah urang kita ani d tetawakannya pulang mun uwang luaa kan cuba batuuan bahasa labuan... galat tah besia mun camatu...
Mooko? Hehe.. lain jua bunyinya... baik tah dausah d kadayankan Smile Ais putih..apa lagi.. ajaa tah uwang2 arab d morocco atu batuuan kadayan/bekurapak brunai... :wink:
aku ani walaupun duduk di sini lakat lagi inda baubah tutuan kadayan bunai ku ani. :mrgreen:
awu banar tu sr215 palan2 tah...lgpon banar mun balajar bahasa kadayan bunai ani inda jua payah banar. pakcik2 ku yg kawin sama uwang malaya mun batutuan kadayan inda lagi tah berslang malaya. Dorang atu balajar jua dulu palan2. sama jua iparku org palipin atu sanang balajar bahasa kadayan/bunai, tapi mun kitani balajar bahasa durang atu antap payahnya bakulut2 lidah luan. :lol:


Ais_Putih,
mun org marocco pandai french bah apa lagi ajar tia org morocco atu batutuan kadayan ka bunai. :mrgreen:
alum hantap sanan kan ngajar durang cakap kadayan..melayu pun karas..nda pandai nyabur "ng"..ku suh sabut bu+nga..bisidia nyabut..bun+ga..awu usai... :mrgreen: :mrgreen:
heheh nakal jua durang atu nyabut bunga jadi bun'ga jadi basa malayu baku tia plang.. :mrgreen:
Reference URL's